هو حب فيها ايه؟؟؟ هي حبيته على ايه ؟؟؟ دول مش لايقين لبعض خالص !!!
دي كلها جمل كثير بنسمعها وانا بتضايقني جدا .. يعني مين الي عطانا الحق نحكم على علاقة بين اثنين؟؟؟
يعني سوا هو اكبر منها او هي اكبر منه ....لو الاثنين راضين الناس مالها...؟؟؟؟
يعني هو احلى منها او اصغر منها ....لو بيحبوا بعض الناس مالها؟؟؟؟
انا نفسي اعرف من الي حط المقايس دي ومن الي عمل القوانيين الصارمة دي؟؟؟؟
انا باحكي من تجارب بعيشها مع صديقاتي يعني مثلا واحده منهم كانت رافضة تتخطب لحد اتقدملها علشان هو احلى منها ولما اخيرا اقتنعت كانت متوتوة جدا يوم الخطوبة وخايفة من راي الناس..."وعلى فكرة دي بنت خريجة جامعة يعني انسانة مثقفة"...
واعرف وحده كمان بتحب واحد اصغر منها بسنة ....وقريب هيتقدملها ان شاء الله ..بس لو شفتوا كم التوثر الي هيا فيه تحس كانها داخلة حرب مش زواجه...وطبعا الاسئلة الي موجعه راسي بيها..
هو اهله اكيد مش موافقين بس ما حبوا يزعلوه؟؟؟؟
ياترى الناس هتقول عليا ايه؟؟؟
ياترى اصحابه هيقولو عليا ايه؟؟؟
يا ترى....يا ترى....
على العموم انا ما بحكم عليهم لانه هم كمان عندهم حق يخافوا من المجتمع الي احنا عايشين فيه ويمكن لو كنت انا مكانهم كنت هكون كده...
انا بس مش فاهمه ....
